Aðalfundur Félags um skjalastjórn var haldinn í húsnæði bæjarskrifstofa Garðarbæjar, Garðatorgi 7, kl. 17.00 15. apríl 2016. Rúmlega 20 félagsmenn mættu á fundinn og nutu þess sem í boði var. Á dagskránni voru hefðbundin aðalfundarstörf; stjórnin flutti skýrslur nefnda, ársreikingur var samþykktur. Samþykkt var hækkun á árgjaldi um 500 kr. og verður því árgjaldið kr. 4000.- hér eftir. Jafnframt voru samþykktar breytingar á lögum félagsins í þá veru að reikningsár félagsins miðast nú við tímabilið 1. apríl - 31. mars hvert ár í stað setu stjórnar.
Eftirtaldir aðilar voru kosnir í stjórn og nefndir:
Kristjana Nanna Jónsdóttir - formaður
Hrafnhildur Stefánsdóttir - varaformaður
Alexandra Þórlindsdóttir
Harpa Sólbjört Másdóttir
Árni Jóhannsson
Erna Björg Smáradóttir
Sóley Sverrisdóttir - ritnefnd
Unnur Sigurðardóttir - ritnefnd
Eygló Hulda Valdimarsdóttir - fræðslunefnd
Kristjana Eyjólfsdóttir - fræðslunefnd
Siggeir Ævarsson - fræðslunefnd
Að loknum aðalfundarstörfum kynnti Þorgerður Magnúsdóttir fráfarandi formaður niðurstöður launakönnunar sem félagið stóð að á starfsárinu. Kynningin verður sett inn á læsta hluta irma.is fljótlega.
Við þökkum gestum okkar kærlega fyrir komuna. Jafnframt þökkum við Þorgerði Magnúsdóttur fyrir frábær störf í þágu félagsins í gegnum árin og fráfarandi stjórn kærlega fyrir vel unnin störf og óskum núverandi stjórn velfarnaðar í starfi.