Ágætu félagar.

Stjórn Félags um skjalastjórn boðar til aðalfundar þann 2.maí 2019 kl. 17. Fundurinn verður haldinn í Þjóðskjalasafni Íslands, Laugavegi 162 -  3. hæð.
Hér að neðan má sjá dagskrá fundarins - endilega tilkynnið þátttöku ykkar sem fyrst með því að skrá ykkur.

Skráning á aðalfund hér.

Athugið að notendur þurfa að vera innskráðir til að getað skráð sig á fundinn.

Dagskrá:
1. Skýrsla stjórnar.
2. Reikningar félagsins bornir upp til samþykktar.
3. Árgjald ákveðið.
4. Lagabreytingar – sjá tillögu frá stjórn hér að neðan.
5. Kosning stjórnar og varamanns.
6. Kosning tveggja skoðunarmanna reikninga.
7. Önnur mál.

Að loknum aðalfundarstörfum mun Valey Jökulsdóttir meðstjórnandi í stjórn Félags um skjalastjórn kynna niðurstöður launakönnunar félagsins sem framkvæmd var í byrjun árs 2019.

Stjórn Félags um skjalastjórn leggur til eftirfarandi tillögu að lagabreytingu.

Grein 1.3. er nú eftirfarandi:    
Félagar geta allir þeir orðið sem eru hlynntir markmiðum félagsins.  Umsókn um aðild skal senda stjórn félagsins.  Félögum er skylt að greiða árgjald til félagsins. Árgjald er ákveðið á aðalfundi hverju sinni að fenginni tillögu stjórnar. Hafi félagi ekki greitt félagsgjöld í tvö ár í röð skal nafn hans fellt út af félagaskrá.

En skal framvegis vera
Félagar geta allir þeir orðið sem eru hlynntir markmiðum félagsins.  Umsókn um aðild skal senda stjórn félagsins.  Félögum er skylt að greiða árgjald til félagsins. Árgjald er ákveðið á aðalfundi hverju sinni að fenginni tillögu stjórnar. Greiðsluseðlar eru sendir til félagsmanna að hausti, hafi félagi ekki greitt félagsgjald fyrir 5. janúar skal nafn hans fellt út af félagaskrá.

Við hlökkum til að sjá sem flesta,
kveðja stjórnin.

Næsti fræðslufundur Félags um skjalastjórn verður haldinn fimmtudaginn 31. janúar kl. 17 í Þjóðskjalasafni Íslands.
Þetta er áramótafundur sem kemur í stað jólafundarins.

Charlotte Åström ætlar að segja okkur frá stafrænni stefnumótun. Stöðug tækniþróun og ör upptaka notenda á nýrri tækni hefur gjörbreytt heiminum og samkeppnisumhverfi fyrirtækja og stofnana. Nauðsynlegt er að aðilar geti þróast hraðar og komið á móts við breyttar kröfur samfélagsins um upplifun og þjónustu.

Skráning hér

Skráning í streymi hér, fyrirlesturinn verður ekki vistaður á vef félags um skjalastjórn.

ATH: Félagsmenn þurfa að vera innskráðir til að geta skráð sig á viðburðinn
Hlökkum til að sjá ykkur!

Næsti fræðslufundur Félags um skjalastjórn verður haldinn fimmtudaginn 28. mars kl. 12 í Þjóðskjalasafni Íslands.

Hvernig styður verkefnastofa um stafrænt Ísland við stafræna þróun hins opinbera?

Fjóla María Ágústsdóttir er sérfræðingur innan verkefnastofu Stafrænt Ísland. Hún vinnur að vöru og -þjónustuhönnun í stafrænni umbreytingu. 

Skráning hér.

Skráning í streymi hér.

ATH: Félagsmenn þurfa að vera innskráðir til að geta skráð sig á viðburðinn
Hlökkum til að sjá ykkur!

Næsti fræðslufundur Félags um skjalastjórn verður haldinn fimmtudaginn 29. nóvember kl. 12 í Þjóðskjalasafni Íslands.

Dr. Jóhanna Gunnlaugsdóttir er flestum félagsmönnum vel kunnug. Hún mun fara örstutt yfir ÍST ISO 15489 í sögulegu samhengi og gera stuttlega grein fyrir þýðingarvinnunni hérlendis hvað staðalinn varðar. Þá verður farið yfir nokkur atriði um breytingar og innihald endurskoðuðu útgáfunnar og loks komið inn á nátengda staðla; ISO/DIS 16175-1, ISO/DIS 16175-2, ISO/CD 30300 og ISO/PRF 30301, sem eru í endurskoðun, svo og ISO/TR 21946:2018 Standard on Appraisal for Managing Records.